Ókeypis í strætó! Eða allavega ódýrara!

Það væri bara svo auðvelt að fara í strætó þá, það myndu t.d. fleiri taka strætó. Það er náttúrulega bara ekki hægt að vera alltaf að borga 350kr. fyrir eina ferð! Og sérstaklega þar sem það kostar 350kr. fyrir 7 ára bróður minn þá finnst mér þetta vera komið gott sko. Síðan er kreppa, hvernig á fólk að geta borgað í strætó ef það á engan pening en þarf að vera mætt/ur í vinnu hinum megin í bænum? Ég vil bara hafa ódýrara í strætó, and that's it!

Það er misvísandi að segja að ferðin kosti 350kr. og ekki gott fyrir málstaðinn. Manneskja sem mætir til vinnu gerir það allajafna á reglubundinn máta. Sú manneskja kaupir því miða eða kort. Með miðum kostar ferðin 272kr. Með korti, miðað við að farnar séu 40 ferðir vegna vinnu á mánuði, kostar 175kr. ..og sé keypt 3 mánaða kort: 132kr. ..og sé keypt 9 mánaða kort: 106kr. Þess má geta að fyrir 15 árum síðan kostaði ein stök ferð fyrir ungmenni einmitt 100 krónur. Ég biðst þes vegna forláts, og nú nota ég strætó sjálfur, mér finnst verðið ekki mjög hátt.

Það er misvísandi að segja að ferðin kosti 350kr. og ekki gott fyrir málstaðinn. Manneskja sem mætir til vinnu gerir það allajafna á reglubundinn máta. Sú manneskja kaupir því miða eða kort. Með miðum kostar stök ferð 272kr. en með mánaðarkorti, miðað við að farnar séu 40 ferðir vegna vinnu á mánuði, kostar 175kr. Sé keypt 3 mánaða kort: 132kr. Sé keypt 9 mánaða kort: 106kr. Þess má geta að fyrir 15 árum síðan kostaði ein stök ferð fyrir ungmenni einmitt 100 krónur.

Þó að efnislega sé ég sammála því að það væri frábært ef ókeypis væri í strætó þá vil ég nefna að það væri óæskilegt að láta allan pakkann falla á sveitarfélögin, ekki síst vegna þess að félagið getur vel staðið eitt og sér fái það að dafna í almenningssamgönguvænu umhverfi. Fremur en að láta fé renna í almenningssamgöngur væru sveitarfélögin vís til að leyfa einkabílismanum að ráða (voilá! kostnaðurinn horfinn!). Berjumst frekar gegn einkabílnum, þannig dafna almenningssamgöngur og hjólreiðar.