Hvað viltu láta gera? Setja frisbígolfkörfu á skólalóð eða heppilegt svæði í nágrenni skólanna í hverfinu. Hvers vegna viltu láta gera það? Frisbígolfvellir eru orðnir mjög vinsælir en alls eru nú 7 alvöru vellir í Reykjavík. Með því að setja frisbígolfkörfu og leiðbeiningar um frisbígolfleiki og þrautir á hverja skólalóð fá krakkarnir tækifæri til að leika sér í að pútta á körfurnar og eykst þá fjölbreytnin í því sem þau geta leikið sér í. Þetta er ódýr og einföld leið til að auka úrvalið af skemmtilegum útileikjum í hverfinu.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation