Hvað viltu láta gera? Útbúa upphækkaða gangbraut yfir Sóltún fyrir framan Waldorfskólann Sólstafi. Eðlilegast er að staðsetja hana í beinu framhaldi af göngustíg sem liggur á milli Mánatúns 2-4-6 og Sóltúns 5-7-9. Hvers vegna viltu láta gera það? Til að tryggja öryggi barna sem eiga leið úr íbúðum í Sóltúni og Mánatúni í Waldorfskólann Sólstafi. Vegurinn sveigir á þessum stað þannig skyggni er lélegt og börn eru í hættu ef þau eiga leið þarna yfir. Þetta gerir börnum úr Sóltúni og Mánatúni kleift að ganga í skólann í stað þess að þurfa að vera keyrð í skólann. Þar að auki myndi gangbrautin nýtast íbúum í Sóltúni og Mánatúni sem taka strætó við Suðurlandsbraut.
Svo sammála! Þarna er stórt skólasvæði en lítið tillit tekið til barna sem ganga um hverfið.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation