Hvað viltu láta gera? Lokað hefur verið fyrir umferð eftir Gömlu Hringbraut frá Barónsstíg til austurs vegna byggingarframkvæmda við Landspítala. Um skeið var opið fyrir umferð um nýjan malarveg sem framlengdi Nauthólsveg að Gömlu Hringbraut og var það mikil samgöngubót. Nú hefur þessari nýju leið verið lokað fyrir annarri umferð en Strætó og sjúkrabílum og virðist það vera varanleg ráðstöfun. Þessi takmörkun á umferð virðist algjör óþarfi. Umferð sem gæti leitað í þessa nýju leið er í staðinn beint um nærliggjandi götur sem tefur ferðir og eykur umferð um hverfið. Hvers vegna viltu láta gera það? Stytta leiðir og ferðatíma. Minnka umferðarálag á Laufásveg og Gömlu Hringbraut.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk í kosningu í verkefninu Hverfið mitt 2018 þar sem verkefnið sem um ræðir í hugmyndinni er í öðru ferli innan borgarkerfisins og því ekki hægt að kjósa um það að svo stöddu. Hugmyndinni verður vísað sem ábendingu inn í það ferli. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation