Göngubrú eða undirgöng yfir Miklubraut á móti 365 húsinu

Börnin mín fara þarna yfir til að komast í skóla í Hlíðarskóla og það er óviðunandi að þau þurfia að labba yfir eina þyngsu umferðargötu borgarinnar á háannatíma.

Bílar fara oft yfir á rauðu ljósi þarna með tilheyrandi hættu fyrir gangandi vegfarendur

Það myndi auka öryggi gangandi vegfarenda svo um munar. Hef oft séð bíla þeysast yfir á rauðu.

Það vantar klárlega betri aðgengi fyrir gangandi vegfarendur, ekki síst skólafólk. Göng eða létt brú myndi einnig létta á umferð því gönguljósin eru talsvert notuð.

Mikill fjöldi barna úr hverfi Háteigsskóla sækir æfingar í Valsheimilinu á degi hverjum Vantar sárlega að bæta og tryggja aðgengi þeirra yfir Miklubrautina en að óbreyttu þurfa þau að fara yfir á gönguljósunum við 365 sem eru síður en svo örugg

Öryggi barna sem sækja íþróttaæfingar í Val

Löngu orðið tímabær framkvæmd, fyrir alla þá sem þurfa að fara þarna yfir og vilja fara í göngutúra án þess að þurfa fara fyrir stærstu umferðaræð Íslands.

Bílaumferð á aldrei að hafa forgangsrétt. Breyta frekar götuljósum svo að græni maðurinn sýnir sig oftar og lengur.

Miklabrautin á að fara í stokk en þangað til þá væri létt brú góð lausn. Seinna þegar stokkurinn er kominn mætti nýta hana á nýjum stað.

Ég er mjög sammála að þetta er hættulegt svæði og að bæta þarf örygg þarna, en ég myndi frekar vilja sjá það gert með því að setja Miklubraut í stokk sem er á stefnuskránni hjá borginni

Mikil umferð! Margir krakkar! Og ómögulegt oft að komast yfir götuna tilað ná strætó!

Það munaði hársbreidd að bíll æki á mig þegar ég gekk yfir á ljósunum. Hann var á miklum hraða og fór að sjálfsögðu yfir á rauðu ljósi. Ég sá að hann áttaði sig síðan á hvað hann hafði gert því hann hægði mikið á sér en ég var í sjokki það sem eftir lifði dags. Af umræðum mínum við foreldra í Hlíðunum veit ég að þetta er ekki eina sagan af því að bílar fari þarna yfir á rauðu ljósi. Kæra Reykjavík, ekki bíða með að gera eitthvað þangað til einhver lætur lífið vegna sparnaðar.

Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk í kosningu í verkefninu Hverfið mitt 2019 þar sem hún rúmast ekki innan fjárhagsramma verkefnisins. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!