Hvað viltu láta gera? Tengja göngu- og hjólaleið frá Elliðaárdal framhjá Árbæjartorgi betur við þjónustukjarnann við Hraunbæ og endurskipuleggja opna svæðið við Skalla, Blásteinn o.fl. Þarna eru nú stórt bílastæði og 3 gangstéttir. Möguleiki væri að fjarlægja gangstéttina í miðjunni og færa bílastæðin vestar, en þá gæti myndast rými fyrir lítið torg. Þá myndi opnast möguleiki á að setja út stóla, bekki og borð á góðviðrisdögum þar sem við getum fengið okkur ís og spjallað við nágrannana. Hvers vegna viltu láta gera það? Til að stuðla að mannlífi á góðviðrisdögum og fegra hverfið. Þetta er eitthvað sem við myndum öll njóta, ungir og gamlir, einnig fólk sem vinnur í iðnaðarhverfinu á Hálsunum.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk til kosningar í verkefninu Hverfið mitt 2019 þar sem verkefni hugmyndarinnar er ekki innan verkefna eða valdheimilda Reykjavíkurborgar eða ekki á borgarlandi. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi
This content is created by the open source Your Priorities citizen engagement platform designed by the non profit Citizens Foundation