Hvað viltu láta gera? Mjög mikilvægt er að ná fram lækkun á ökuhraða í Seljaskógum, þá sérstaklega á beina kaflanum sem endar við ljósastýrð gatnamót á Breiðholtsbraut. Hámarkshraði þarna er 50 km/klst. sem er vanalega vanvirtur af ökumönnum þá sérstaklega þegar ökumenn sjá fram á að ná ljósum á gatnamótunum við Breiðholtsbraut en þá eru ökumenn gjarnir á að gefa verulega í. Ég hef mælt hraðann þarna með tímamælingu á ekinni vegalengd (á milli staura) og hraðinn er í rúmum 48% tilfella yfir hámarkshraða og sumir aka þarna vel yfir 70 km/klst. Auðvitað er þetta ekki vísindalega mælt né nákvæmlega en gefur vísbendingu um að ökuhraði sé alltof mikill. Hvers vegna viltu láta gera það? Töluvert er um þveranir gangandi og hjólandi yfir Seljaskóga. Hraðinn þarna er of mikill og mikill hætta getur og hefur skapast þegar ökumenn virða hámarkshraða/hraðatakmarkanir að vettugi.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation