Hvað viltu láta gera? Breikka götu til að útbúa svæði fyrir 1-3 bíla til að beygja inn í Ásgarð, frá Bústaðarvegi. Hvers vegna viltu láta gera það? Á háannatíma er mikil bílaumferð og mikill hraði á Bústaðarveginum og þegar bílar ætla að beygja inn þá þurfa þeir mikið að bíða eftir að komast inn sem skapar slysahættu þar sem það myndast halarófa fyrir aftan þann bíl sem ætlar að beygja inn, eða ef hann er nógu lítill þá bruna hinir bílarnir framhjá og oftar en ekki má litlu muna.
Það þarf ekki, það sem fólk þarf að læra er að staðsetja bílinn fyrir miðju þegar það er að beygja. Það er nóg pláss.
Þetta mun alls ekki draga úr hraða á Bústaðavegi, þvert á móti. Ég bý þarna og tek vinstri beygju daglega, það er engin þörf á þessu. Það væri betra að þrengja þá götuna ef bílar eru að smeygja sér á milli. Það eru tugir eða hundruðir barna sem þurfa að fara yfir Bústaðaveginn vegna tómstunda og hraðari umferð dregur úr öryggi þeirra.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk í kosninguna í verkefninu Hverfið mitt 2019. Hugmyndinni verður komið áfram sem ábendingu til samgöngudeildar umhverfis- og skipulagssviðs Reykjavíkurborgar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation