Hjólagrindur verði settar við Hörpu.

Það er kominn tími til að reikna með hjólandi fólki í Hörpu. Það er oft hvasst þarna og hjól gætu hæglega fokið á gluggana og út í buskann líka. Hef tvisvar skrifað í Hörpu og nefnt þetta, en ekkert verið gert.

Það eru reyndar hvassar málmgrindur sem ekkert halda við hjólin og rispa þau bara sem hjólandi gestum er boðið upp á og mér er sagt að fólk sé rekið úr bílageymslunum láti það sér detta í huga að ætla þangað inn með hjólin sín. Sjá umfjöllun hér: http://blogg.smugan.is/hjolablogg/2011/10/20/er-folk-velkomid-i-horpu-a-hjolum/

Bæði betra bara? Annars er þessi hugmynd núþegar inní kerfinu held ég.

Væri ekki betra að fá stæði inni í bílageymslunni, þar sem er þurrt og hægt væri að hafa eftirlit með hjólunum - (ég væri meiraðsegja til í að borga fyrir það eins og ökumenn borga fyrir bílastæði, ef ég þyrfti á því að halda). Það ætti að vera auðvelt mál að taka frá eitt stæði í kjallaranum nálægt gæslumönnunum.

Mikil þörf á þessu, og hafa hjólagrindurnar almennilegar, ekki grindur fyrir framdekk sem skekkja gjarðirnar í roki eða þegar einhver rekst á hjólið.

Það er ævintýralegt hversu miklu fé og plássi hefur verið eytt í einkabílamál í Hörpu, þar sem ekki er ein einasta hjólagrind við glerhúsið! Það verður að laga þetta strax - annað er mjög óréttlátt.