Breyta Ægisgötu í vistgötu. Tré, gangbrautir + hjólreiðastíg

Lega Ægisgötu er nokkuð falleg - frá Landakotskirkju niður að gömlu höfninni. Það er mikil synd að hraðakstur skuli vera stundaður á þessari götu og lítið sé um græna nálgun. Það væri mikil bót fyrir þetta gamla, fallega hverfi sem Gamli Vesturbærinn er ef gatan fengi andlitslyftingu og þá hugsanlega einstefnu með hjólreiðastíg um leið. Einnig er skortur á gangbrautum sem setur börn í hverfinu í stórhættu.

Ég tek líka undir hugmyndina um Ægisgötuna. En það er líka ekið mjög hratt um Bræðraborgarstíginn þar sem mörg börn eiga leið um í og úr skóla t.d. Margir ökumenn virðast stytta sér leið um Bræðraborgarstíginn líka og hraðahindrunin skilar ekki árangri.

Ég bý við Ægisgötuna og ég get fullvissað þig um að þar er stundaður hraðakstur sem ógnar börnum og öðrum gangandi vegfarendum. Eftr að forgangi var breytt á gatnamótum Vesturgötu og Ægisgötu verða þar reglulega árekstrar, sem má m.a. rekja til aukins ökuhraða á Ægisgötunni. Ég kannast hinsvegar ekki við að þar sé svo mikið af bílastæðum að þau þrengi að umferð (sem er vandamál víða í Vesturbænum) enda er ekki lagt nema öðrum megin við götuna. Kannski væri það lausn á ástandinu, fá fleiri stæði og þrengja þannig að umferðinni þannig að fólk neyðist til að keyra á löglegum hraða? Mér líst samt betur á að gera hana að vistgötu og bæta aðstæður fyrir hjólasamgöngur í leiðinni.

Ég hef hvorki fyrr né síðar orðið vitni að hraðakstri á Ægisgötunni og keyri ég þessa götu upp og niður amk tvisvar sinnum á dag. Ægisgata er ekki hraðbraut, meðalaksturshraði þar er ca 20 km/klst. og amk þrjár hraðahindranir í götunni, fyrir utan það er varla hægt að keyra götuna fyrir bílum í stæðum fyrir framan húsin, mjög naumt ef tveir bílar mætast á götunni. En vissulega er Ægisgatan falleg og skemmtilegt að horfa niður á höfn frá Landakotsskirkju.

Það þarf að vera hraðamælir með 30 skilti á þessum götum helst eins og við Melaskóla. Blikkar ljósi ef menn aka of hratt.

Skiljanlega, eins og þegar settir voru stöðumælar fyrir austan Ægisgötu, fóru allir bankastarfsmennirnir úr miðbænum að leggja vestan við hana okkur þeim megin til mikils ama. Umferðin er ekki það mikil að það skapist flöskuháls þó það sé gert erfiðara að þeysa niður á 80 km hraða. Já, þrengingar eða fallegar sveigjur hjálpa til en um að gera að hafa þetta dálítið fallegt. Það er ekki mikið dýrara að gera hlutina smekklega. Ef það væri hætt að rukka fyrir að leggja austan við Ægisgötu mætti banna bílastæði á henni og nýta þann hluta fyrir hjólreiðar. Bara ein hugmynd en höldum þeim gangandi!

Annars er gaman að velta þessu fyrir sér í samhengi hlutanna. Það er góð vinna í gangi hvað neðri hluta Hofsvallagötu varðar. Þar eru heldur betur tækifærin með ofur-breiðgötu og sama vandann með hraðakstur þeirra sem eru á leið í gegn (og gætu örugglega helmingurinn vel keyrt Ánanaustið út á Seltjarnarnes).

Miðbær og Vesturbær ATH

Lækaðu og þú gætir unnið!

Besta tillagan!

HRESSUM UPP Á ÆGISGÖTU

Nú þegar er of þung umferð orðin um Garðastræti eftir að Vesturgata var gerð að einstefnu. Ég vildi þá sjá frekar gönguljós, hraðahindranir og þrengingar til að hægja á umferð og gera bílstjóra meðvitaðri um að þetta er ekki stofnbraut heldur lítil gata í íbúðahverfi. Annars er bara verið að koma vandanum á aðrar minni götur.

Fólk þarf að komast á milli - það þarf bara að framfylgja 30km hámarks hraðanum á götunni ef hraðakstur er vandamálið.

Einfaldast að setja hraðamyndavélar þarna og víðar um borgina. Borgarstarfsmenn (Bílastæðasjóður) ætti að sjá um viðhald og innheimtu gjalda.

Mikið af traffíkinni upp og niður Ægisgötuna á álagstímum er fólk sem starfar í miðbænum og notar hana til að stytta sér leið, t.d. Mýrargötu yfir á Hringbraut. Þeim er engin vorkunn að þurfa að keyra örlítið lengri leið t.d. meðfram sjónum við Ánanaust. Börnin í hverfinu okkar eiga ekki að líða fyrir að bankastarfsmenn í miðbænum séu orðnir of seinir að sækja sín börn í önnur hverfi. Hámarkshraðinn við Ægisgötu er 30 km. Ef hann væri virtur myndi það eflaust skapa tafir og þyngja umferð um aðrar götur hvort sem er. Það er fullt af hraðahindrunum á Ægisgötunni, þær virðast bara ekki hafa nein áhrif hugarfar þeirra sem keyra þessa götu á hverjum degi á 80 km hraða. Svo tek ég líka undir hinn hluta hugmyndarinnar, að gera þessa leið frá Landakoti niður á höfn aðeins meira aðlaðandi. Við getum ekki alltaf notað slæmt skipulag borgarinnar sem afökun fyrir því að setja bílaumferð í forgang.